Hesperian Health Guides
खोपको ब्यवस्थापन
खोपहरुको लागि उपयुक्त तापक्रम (चिस्यान) कायम राख्ने
खोपहरुलाई उपयुक्त तापक्रममा राख्नु जरुरी हुन्छ, नत्र ती विग्रन्छन् ।
 |
|
खोपहरु लगाउँदा प्रयोग गरिने तरल पदार्थहरू एक ठाउँबाट अर्को ठाउँमा लैजाँदा कुन खोपलाई कति तापक्रममा राख्नुपर्छ भन्ने कुरा जान्नुपर्छ । साधारणतया खोपहरुलाई ८ डिग्रि सेन्टिग्रेड भन्दा कम र २ डिग्रि सेन्टिग्रेड भन्दा बढी तापक्रममा राखिन्छ ।
बिसिजि र एमएमआर जस्ता केहि खोपहरु सूर्यको प्रकाश र घरभित्रकै चम्किलो प्रकाशबाट जोगाउनुपर्छ । खोप लगाउन तालिम प्राप्त ब्यक्तिहरुलाई त्यसरी मिसाईएको खोप कति घन्टासम्म उपयोग गर्ने बारेमा थाहा हुन्छ ।
खोप लगाएपछि फोहरको उत्तरदायित्व
फोहरमैलाको उपयुक्त तरिकाले विसर्जन गर्ने कुरामा कहिलेकाहिं खोप अभियानको ध्यान पुग्दैन । प्लाष्टिकको खोल, सुई र अन्य सामग्रिहरु बालबालिकाहरुले टिप्न सक्ने ठाउँमा राख्नु हुँदैन । त्यतिकै छोडेमा अथवा जलाएमा वा असुरक्षित तवरले गाडेमा जनस्वास्थ्य एवं वातावरणको लागि समस्या हुन्छ । तसर्थ खोप कार्यक्रमले फोहरमैलाको सुरक्षित विसर्जनको योजना समेत बनाउनुपर्छ ।