Hesperian Health Guides
थ्रसको लागि (क्यान्डिडा, काई वा ढुसीको संक्रमण)
जेन्सन भ्वाइलेट (Gentian violet), GV, crystal violet, methylrosanilinium chloride
जेन्सन भ्वाइलेट मुख, स्तनपान गराइरहेकी आमाको स्तनको मुन्टा, छाला दोब्रिने ठाउँ, वा योनीको वाहिरी भाग वा योनीमा काई वा ढुसीको संक्रमणको लागि कम खर्चिलो उपचार हो । यसले ब्याक्टेरीयाबाट हुने केही छालाका संक्रमणहरुको लागि समेत काम गर्छ ।
नराम्रा असरहरू
मुख वा योनीमा प्रयोग गर्दा जेन्सन भ्वाइलेटले छालामा जलन उत्पन्न गर्न र फोका उठाउन सक्छ । फोका वा खटिरा आएमा प्रयोग गर्न छोड्नुपर्छ ।
महत्पपूर्ण
जेन्सन भ्वाइलेटले छालालाई बैजनी रङ दिन्छ । तर कपडामा भने स्थायी दाग बनाउँछ ।
कसरी प्रयोग गर्ने
Nystatin
Nystatin ले मुख, स्तनको टुप्पो वा छाला, वा योनीमा हुने सबै प्रकारको काई वा ढुसीको संक्रमणका लागि राम्रोसँग काम गर्छ । मुखमा लगाउनको लागि यो तरल रुपमा, पानीमा मिसाउने पाउडरको रुपमा वा गुलियो औषधीको रुपमा आउँछ । छालाको लागि क्रिम, मलम वा पाउडरको रुपमा आउँछ । योनीमा हुने काई वा ढूसीको संक्रमणको लागि nystatin योनीभित्र जाने ट्याब्लेट वा क्रिमको रुपमा हुन्छ ।
नराम्रा असरहरू
Nystatin प्रयोग गरिएको ठाउँमा छालामा पोल्छ । यस्तो प्रायः हुँदैन । फोका आएमा प्रयोग गर्न छोड्नुहोस् । यसले कहिलेकाहिं झाडापखाला गराउँदछ ।
महत्पपूर्ण
Nystatin बाट निको नहुने वा फेरी फेरी पनि आउने काई वा ढुसीको संक्रमण एच. आई. भि. को संकेत हुनसक्छ ।
कसरी प्रयोग गर्ने
मुखमा थ्रस भएका शिशुको लागि
शिशुको चाक वा प्रजनन अंगहरुमा ढुसीको संक्रमणबाट भएका फोकाहरुका लागि
शिशुको डायपर फेरेपछि संक्रमित भएको शरिरको चाक वा प्रजनन अंगहरुमा दिनको ३–४ पटक nystatin क्रिम लगाउनुहोस् । क्रिम लगाउनुपूर्व त्यो क्षेत्र सफा र सुख्खा हुनुपर्छ । काई वा ढूसीको संक्रमण हराएको ३ दिन पछिसम्म पनि क्रिम लगाउनुपर्छ । अन्यथा यो फेरी आउन सक्छ ।